एजेन्सी – अमेरिकाले नेपालसहित १८ एसियाली मुलुकलाई कोभ्याक्समार्फत थप १ करोड ६० लाख खोप विनियोजन गरेको छ ।

यसअघि, अमेरिकाले विश्वका निम्न र मध्यम आय भएका मुलुकलाई जुन महिनाको अन्तरसम्म ८ करोड खोप वितरण गर्ने घोषणा गरेको । साथै, दुई करोड ५० लाख खोप वितरणको विस्तृत खाका सार्वजनिक गरेको थियो ।

सोमबार अमेरिकाले बाँकी ५ करोड ५० लाख खोप वितरणको विस्तृत विवरण सार्वजनिक गरेको छ ।

जसअनुसार एसियाका १८ मुलुकहरुलाई कोभ्याक्स मार्फत १ करोड ६० लाख खोप वितरण गरिने छ ।

यसअघि जुन ३ मा अमेरिकाले एसियाली मुलुकहरुलाई ७० लाख खोप विनियोजन गरेको थियो ।