काठमाडौँ । पछिल्लो २४ घण्टामा नेपालमा २ सय ६० कोरोना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार गत २४ घण्टामा ४ हजार २ सय ४३ पीसीआर परीक्षण गर्दा २ सय ६० जनामा कोरोना संक्रमण पुष्टि भएको हो।
योसँगै नेपालमा कुल संक्रमितको संख्या २ लाख ७८ हजार ४ सय ७० पुगेको छ।

पछिल्लो २४ घण्टामा ११३ जना कोरोना संक्रमणमुक्त भएका छन्। हालसम्म २ लाख ७३ हजार ४ सय ५५ जना संक्रमणमुक्त भएको मन्त्रालयले जनाएको छ।

नेपालमा कोरोना संक्रमणबाट मृत्यु हुनेको संख्या ३ हजार ३६ छ । त्यस्तै १ हजार ९ सय ७९ जना आइसोलेसनमा र ६९ जना क्वारेन्टाइनमा रहेको मन्त्रालयले जनाएको छ।