काठमाडौं । नेपाल राष्ट्रिय क्रिकेट टोलीका सदस्य सन्दीप लामिछानेले नेपाल क्रिकेट संघको केन्द्रीय सम्झौतालाई निरन्तरता नदिने घोषणा गरेका छन् । सामाजिक सञ्जाल मार्फत उनले क्यानसँगको केन्द्रीय सम्झौतालाई निरन्तरता नदिने निर्णय गरेको बताएका छन् ।

उनले व्यक्तिगत र व्यावसायिक रूपमा विकास गर्ने भन्दै क्यानसँगको केन्द्रीय सम्झौता नगर्ने बताएका हुन् । उनले यो निर्णय क्रिकेट वा राष्ट्रबाट टाढा हुनका लागि नभएको पनि बताएका छन् । लामिछानेले आफ्नो यात्रामा निरन्तर सहयोगको गरेकामा क्यानलाई धन्यवाद दिएका छन् । नेपाल क्रिकेट र आफ्नै विकासलाई आकार दिनमा क्यानको भूमिका महत्वपूर्ण रहेको पनि उनले उल्लेख गरेका छन् ।

लामिछानेले अब अगाडीको बाटोको लागि उत्साहित रहेको बताएका छन् । जीवन विकसित हुँदै गइरहेका मार्गहरू र जिम्मेवारीहरूले भरिएको यात्रा रहेको बताउँदै सन्दीपले अझै धेरै अन्वेषण गर्न बाँकी रहेको उल्लेख गरेका छन् । लामिछानेले यो निर्णय किन लिए, कतै लामिछानेले क्रिकेटबाट अलगिन खोजेका त होइनन् भन्ने संका पनि नेपाली क्रिकेटका दर्शकहरुको मनमा खेल्न सुरु भएको छ। तर सन्दीपले भने धेरै सोचविचार पछि, मैले यस पटकको लागि नेपाल क्रिकेट संघको केन्द्रीय सम्झौता अन्तर्गत निरन्तरता नदिने निर्णय गरेको बताएका छन् । उनले यो क्रिकेट वा मेरो राष्ट्रबाट एक कदम टाढा होइन – यो व्यक्तिगत र व्यावसायिक रूपमा विकास गर्ने दिशामा एक कदम हो, भनेका छन् ।

उनले लेखेका छन्ः

धेरै सोचविचार पछि, मैले यस पटकको लागि नेपाल क्रिकेट संघको केन्द्रीय सम्झौता अन्तर्गत निरन्तरता नदिने निर्णय गरेको छु। यो क्रिकेट वा मेरो राष्ट्रबाट एक कदम टाढा होइन – यो व्यक्तिगत र व्यावसायिक रूपमा विकास गर्ने दिशामा एक कदम हो।

मेरो यात्राभरि निरन्तर सहयोगको लागि म ऋब्ल् प्रति गहिरो आभारी छु। नेपाल क्रिकेट र मेरो आफ्नै विकासलाई आकार दिनमा उनीहरूको भूमिका महत्वपूर्ण रहेको छ। जीवन विकसित हुँदै गइरहेका मार्गहरू र जिम्मेवारीहरूले भरिएको यात्रा हो। अझै धेरै अन्वेषण गर्न बाँकी छ, धेरै दिन बाँकी छ, र धेरै बन्न बाँकी छ। म अगाडिको बाटोको लागि उत्साहित छु – क्रिकेटसँग, र त्यसभन्दा बाहिर ।

मेरो देशप्रतिको मेरो वफादारी, र खेलप्रतिको मेरो जोश, सधैं मैले गर्ने सबै कुराको मूलमा रहनेछ। कहिलेकाहीं, छनौटहरू अलगावबाट होइन, तर उद्देश्य र विकासको ठाउँबाट गरिन्छ। यात्रा जारी छ – नयाँ ऊर्जा र खुला हृदयका साथ। सधैं ममा विश्वास गर्नुभएकोमा धन्यवाद ।