काठमाडौं । साताको पहिलो कारोबार दिन नै ऋणात्मक बन्दै नेप्से सूचकले खराब सुरुवात गरेको छ ।

नेपाल स्टक एक्सचेन्जका अनुसार आइतबार नेप्से सूचक २०.५४ अंकले घट्दै १९ सय ९३.३८ अंकको विन्दुमा ओर्लिएको हो ।

आज क वर्गको सेन्सेटिभ इन्डेक्स समेत ३.४४ अंकले घट्दै ३८२.११ अंकको विन्दुमा ओर्लिएको छ । म्युचुअल फन्ड बाहेक १२ वटा उपसूचक ऋणात्मक हुँदा आज १ अर्ब २६ करोड २७ लाख रुपैयाँ बराबरको सेयर कारोबार भएको छ ।

दास्रो बजारमा कारोबार सुरु भएदेखि लगातार बढिरहेको कुथेली बुखाहरी स्मल हाइड्रोपावर कम्पनीको मूल्य आज पनि १० प्रतिशतले बढेको छ । यता माकर जितुमाया सुरी हाइड्रोपावरको सेयर मूल्य भने आज ९.६३ प्रतिशतले घट्न पुगेको छ ।