काठमाडौं । चीनले नाइजेरियाको दक्षिणपश्चिमी राज्य लागोसमा २७ किलोमिटर बिजुलीबाट चल्ने लाइट रेल परियोजना पूरा गरेको छ। २१ डिसेम्बरमा सम्पन्न यस परियोजना पश्चिम अफ्रिकाको पहिलो विद्युतीय लाइट रेल प्रणाली भएको उसले जनाएको छ।
सन् २०१० देखि चाइना सिभिल इन्जिनियरिङ कन्स्ट्रक्सन कर्पोरेशनले सञ्चालन गरेको लागोस रेल मास ट्रान्जिट ब्लू लाइन परियोजनाको पहिलो चरणमा १३ किलोमिटर लामो ट्र्याकहरू बनाइएको थियो। जहाँ पाँच वटा स्टेसनहरू कभर राखिएका छन्।
यस पुलले ओकोकोमाइको लागोसको पश्चिमी भागको घना जनसंख्या भएको क्षेत्र र लागोस् टापुको व्यापारिक जिल्ला मारिनालाई जोडेको छ। जुन यहाँ यस्तो पहिलो पूर्वाधार हो।
यो एक महत्त्वाकाङ्क्षी यातायात मास्टर प्लान भएको र जसको उद्देश्य नाइजेरियाको व्यावसायिक र आर्थिक 'हब' वृद्धि गर्नु भएको जनाइएको छ। परियोजनामा निर्माण सम्पन्न भएको घोषणा गर्दै लागोसका गभर्नरले परियोजना सम्पन्न भएको क्षणलाई ऐतिहासिक भएको बताएका थिए।
लागोसमा पश्चिम अफ्रिकाको पहिलो उप—राष्ट्रिय सरकार बनेको छ, जसले रेललाई राज्यको पहिलो प्राथमिकतामा राखेको थियो। ६ स्टेसनहरूसहित १३ किलोमिटर फैलिएको यो नाइजेरियाको लागोसमा २१ डिसेम्बरमा औपचारिक रूपमा उद्घाटन भएको थियो।
लागोस् रेल मास ट्रान्जिट ब्लू लाइन, कुल २७ किलोमिटर लम्बाइको रहेको छ। यो पश्चिम अफ्रिकाको पहिलो विद्युतीय लाइट रेल प्रणाली भएको बताइएको छ। अब बाँकी १४ किलोमिटर लामो ब्लू लाइन रेल आयोजनाको दोस्रो चरणको निर्माण जनवरीमा पहिलो चरणको उद्घाटनपछि तुरुन्तै सुरु गरिने गभर्नरले बताएका थिए।
लागोसमा चीनका कन्सुल जनरल चु माओमिङका अनुसार जटिल भू विज्ञान र कोभिड–१९ महामारीजस्ता धेरै चुनौतीको सामना गर्दै २ हजार भन्दा बढी चिनियाँ र स्थानीय कर्मचारीहरूले यो परियोजना निर्माण गरेका चिनियाँ सञ्चारमाध्यम सिह्नवाले जनाएको छ।
