२०८३, कार्तिक १७ गते
- यो साता चर्चामा :
काठमाडौं । राष्ट्रिय वाणिज्य बैंकको संचालक समितिको सदस्यमा पूर्व बैंकर लक्ष्मण घिमिरे मनोनित भएका छन् । घिमिरे स्वतन्त्र (विज्ञ) समूहबाट सदस्यमा मनोनित भएका हुन् ।
आज बसेको बैंक सञ्चालक समितिको बैठकमा घिमिरेले पद तथा गोपनियताको शपथ पनि लिएका छन् । उनले बैंक सञ्चालक समितिका अध्यक्ष डा । बलराम पाठक समक्ष पद तथा गोपनियताको शपथ ग्रहण लिएका हुन् ।
घिमिरेको बैंकिङ क्षेत्रमा झण्डै ३५ वर्षको अनुभव रहेको छ । उनले ३० वर्ष कृषि विकास बैंकमा शाखा तथा विभागमा रहेर काम गरेका थिए ।
यस्तै ५ वर्ष राष्ट्रिय स्तरको लघुवित्त संस्था आरम्भ चौतारीमा प्रमुख कार्यकारी अधिकृत भएर काम गरेका थिए ।
